Նորություններ և միջոցառումներ Նորություններ Դատախաղ-մրցույթի հաղթողները
  • 2023-04-14

Դատախաղ-մրցույթի հաղթողները

2019-ին տեղի ունեցած առաջին թողարկումից և համաճարակի և պատերազմի հետևանքով մի քանի տարվա դադարից հետո Մարդու իրավունքների վերաբերյալ ֆրանկոֆոն մրցույթը վերադարձավ ՀՖՀՀ 2023-ին: Ապրիլի 12-ին հայ և ֆրանսիացի մի շարք փաստաբաններ եկել էին համալսարան՝ ունկնդրելու մրցույթի բանավոր փուլերի և եզրափակչի ելույթները։ Հիշեցնենք, որ մրցույթը կազմակերպել էր ՀՖՀՀ-ն՝ Ֆրանսիայի Մոնպելիե քաղաքի փաստաբանական պալատին կից գործող Մարդու իրավունքների ինստիտուտի, ՀՀ փաստաբանների պալատի և Հայաստանի Սենգորի անվան ֆրանկոֆոնիայի ամբիոնի հետ համագործակցությամբ։ Իր բացման խոսքում ՀՖՀՀ ռեկտոր տիկին Սալվա Նակուզին ընդգծեց ուսանողների համար այսպիսի մրցույթների կարևորությունը և շնորհակալություն հայտնեց գործընկերներին իրենց ներգրավվածության համար:

Կես օր տևած կիսաեզրափակիչ փուլերի ընթացքում 12 մասնակիցներ (բոլորը ՀՖՀՀ ուսանողներ կամ վերջին տարիների շրջանավարտներ)՝ բաշխված 6 թիմերի, ելույթ ունեցան ժյուրիների առջև կա՛մ հայցվոր, կա՛մ պատասխանող կողմից։ Իրավիճակային խնդիրը ներկայացված էր Մարդու իրավունքների եվրոպական դատարան և վերաբերում էր խոսքի ազատության և ատելության խոսքի միջև հավասարակշռությանը:

Երկու ընտրական փուլերի արդյունքում Eurêka (Վեներա Գևորգյան և Անահիտ Զաքարյան) և Femida (Սիլվա Բավեյան և Էմմա Շահբազյան) թիմերը դուրս եկան եզրափակիչ փուլ՝ մրցելու գլխավոր ժյուրիի առջև: Հայցվոր և պատասխանող կողմերի անունից տպավորիչ ճառերից հետո ժյուրիի համար որոշում կայացնելը հեշտ չէր: Այսպիսով, հաղթող թիմի մրցանակը շնորհվեց Eureka-ին, լավագույն հռետորի մրցանակը կիսեցին 4-րդ կուրսի ուսանողուհի Վեներա Գևորգյանը և ՀՖՀՀ 2021թ․-ի շրջանավարտ Սիլվա Բավեյանը: Նրանք երկուսն էլ հնարավորություն կունենան մասնագիտական ​​պրակտիկա անցնելու Մոնպելյեում (մրցույթի գլխավոր մրցանակ, որը շնորհվում է Մոնպելիե քաղաքի փաստաբանական պալատի կողմից): Մոնպելիե քաղաքի փաստաբանական պալատին կից գործող Մարդու իրավունքների ինստիտուտի նախագահ Ամինե Ֆարաժն արտահայտեց իր ոգևորությունը և հիացմունքի խոսքեր հղեց բոլոր մասնակիցներին։

Լավագույն գրավոր դիրքորոշման մրցանակը շնորհվեց Lumos Via թիմին, որի կազմում էին Անի Մկրտումյանը և Սուսաննա Գրիգորյանը (իրավագիտության բակալավրիատի 2022 թ. շրջանավարտներ):

Մրցույթի եզրափակիչ փուլ անցած բոլոր մասնակիցներին մրցանակներ հանձնեցին նաև Հայաստանի փաստաբանների պալատի նախագահ Սիմոն Բաբայանը և ՀՀ փաստաբանական ակադեմիայի պրոռեկտոր Մանե Կարապետյանը․ բոլոր մասնակիցներին հնարավորություն ընձեռնվեց անվճար մասնակցելու ակադեմիայի սեմինարներին։

Համակազմակերպիչները շնորհավորեցին ՀՖՀՀ-ին և իրավագիտության ֆակուլտետին ուսանողների և շրջանավարտների մասնագիտական ​​որակի և այս մրցույթի հաջողության համար:

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more