Նորություններ և միջոցառումներ Նորություններ «Թուրքական ախտը»․ մտորումներ Չենգիզ Աքթարի քննադատական աշխատության շուրջ քննարկում
  • 2024-04-29

«Թուրքական ախտը»․ մտորումներ Չենգիզ Աքթարի քննադատական աշխատության շուրջ քննարկում

Չենգիզ Աքթարի «Թուրքական ախտը» աշխատության հայերեն թարգմանության կապակցությամբ ՀՖՀՀ-ն սիրով հրավիրում է քննարկման Չենգիզ Աքթարի և Ռուբեն Մելքոնյանի մասնակցությամբ։ 
Հանդիպման ընթացքում մեր հյուրերը կխոսեն այսօրվա թուրքական հասարակության ու պետության վերաբերյալ, վերջին զարգացումների և այն մասին, ինչը հեղինակ Աքթարը համարում է Թուրքիայի «ապաարևմտականացում», ինչպես նաև  հայ-թուրքական հարաբերությունների, տարածաշրջանային և համաշխարհային աշխարհաքաղաքականության վրա դրա ազդեցության մասին:
Չենգիզ Աքթարը քաղաքագետ է, տնտեսագիտական էպիստեմոլոգիայի դոկտոր և Աթենքի համալսարանում հրավիրյալ դասախոս: Նա դասավանդում է 19-րդ դարի Օսմանյան կայսրության քաղաքական ուսմունքների պատմություն և Եվրոպական միության քաղաքականություն, ինչպես նաև աշխատում է կոլեկտիվ հիշողության խնդիրների շուրջ։ 
Աքթարը մասնավորապես աշխատել է ՄԱԿ-ի եւ Եվրոպական միության համար, քարոզարշավ է իրականացրել Թուրքիայում՝ Հայոց ցեղասպանության մասին իրազեկվածությունը բարձրացնելու համար։
Նա հոդվածներ է գրում Financial Times, Le Monde եւ Libération օրաթերթերի համար, Հրանտ Դինք հիմնադրամում խորհրդական է, ինչպես նաև la Revue du MAUSS ամսագրի հիմնադիրներից է։ 

Ռուբեն Մելքոնյանը պատմական գիտությունների դոկտոր, պրոֆեսոր է, բանասիրական գիտությունների թեկնածու, ԵՊՀ Արևելագիտության ֆակուլտետի դեկան, թուրքագետ։ 
Նա «Արևելագիտության հարցեր» գիտական ամսագրի գլխավոր խմբագիրն է, ԵՊՀ գիտխորհրդի անդամ: Նա դասավանդում է Թուրքիայի Հանրապետության պատմություն և Նորագույն շրջանի  թուրքական գրականություն, իսկ նրա գիտական հետաքրքրությունների շրջանակը ներառում է հանրապետական ժամանակաշրջանի Թուրքիայի պատմությունը, քաղաքական գործընթացները ժամանակակից Թուրքիայում և Թուրքիայի ազգային փոքրամասնությունները։  


Քննարկումը կվարի ՀՖՀՀ իրավագիտության ֆակուլտետի դեկան Կարին Յովսէփեանը։

Երկուշաբթի՝ ապրիլի 29-ին, ժ. 15։30-ին
ՀՖՀՀ, Ա դահլիճ (հասցե՝ Դավիթ Անհաղթի փ. 10)
Մուտքն ազատ է, գրանցումը՝ պարտադիր հետևյալ հղմամբ` https://forms.office.com/e/bLgTaUqmjm?origin=lprLink
Հանդիպումը տեղի կունենա ֆրանսերեն՝ հայերեն համաժամանակյա թարգմանությամբ։

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more