Նորություններ և միջոցառումներ Նորություններ Իրական բիզնես լուծումներ՝ մարքեթինգի ուսանողների կողմից․ ամփոփվեց «Մարնիկ» ընկերության հետ իրականացված PBL նախագիծը
  • 2026-06-26

Իրական բիզնես լուծումներ՝ մարքեթինգի ուսանողների կողմից․ ամփոփվեց «Մարնիկ» ընկերության հետ իրականացված PBL նախագիծը

Ուսումնական նորարարությունների իրականացման շրջանակներում ՀՖՀՀ մարքեթինգի ֆակուլտետը մայիսի 23-ին նշեց «Քոնթենթ մարքեթինգ» (Content Marketing) դասընթացի մաս կազմող նախագծահեն ուսուցման (Project Based Learning - PBL) հերթական փուլի փակումը:

Այս տարի ֆակուլտետը համագործակցում էր «Ավրորա Բարեալիս» (Aurora Baréalisse) գործակալության և «Մարնիկ» (Marnik) ընկերության հետ, որը ֆիննական հանրահայտ «Վալիո» ապրանքանիշի պաշտոնական և բացառիկ ներմուծողն է, ինչպես նաև հայկական «Ֆիննի» (Finny) ապրանքանիշի արտադրողը: Չորրորդ կուրսի ուսանողների առջև խնդիր էր դրված մշակել քոնթենթ մարքեթինգի ռազմավարություններ ընկերության առաջատար արտադրատեսակների՝ մասնավորապես պաղպաղակի տեսականու և սառեցված կիսաֆաբրիկատների համար:

Մի քանի շաբաթ շարունակ մասնակիցներն իրականացնում էին խորը վերլուծական աշխատանք՝ մշակելով առաջարկություններ, որոնք համապատասխանում են ընկերության B2C (բիզնես-սպառող) և B2B (բիզնես-բիզնես) մարտահրավերներին: Այս գործնական աշխատանքը հնարավորություն տվեց ուսանողներին համադրել իրենց տեսական գիտելիքները իրական բիզնես խնդիրների հետ՝ կառուցելով մեդիապլաններ և բրենդի ակտիվացման ծրագրեր, որոնք հստակորեն համապատասխանում են շուկայի ներկա պահանջներին: Այս ամբողջ գործընթացն իրականացվում էր դասախոսներ Իվան Ռիոկրյոյի և Լենա Գյուլխասյանի անմիջական ղեկավարությամբ և ուղղորդմամբ:

Բոլոր մասնակիցների միջից ընտրված յոթ լավագույն խմբերն իրենց առաջարկները ներկայացրին եզրափակիչ պաշտպանության ժամանակ: Ուսանողների առաջարկած ռազմավարական և ստեղծարար լուծումները բարձր գնահատվեցին ժյուրիի կողմից, որի կազմում ընդգրկված էին գործընկեր ընկերությունների ներկայացուցիչներ և ոլորտի փորձագետներ: Վերջիններս ընդգծեցին նախագծերի հիմնավորվածությունն ու լրջությունը: Քննարկումների արդյունքում երեք խումբ արժանացավ պատվոգրերի և նվերների:

«Մարնիկ» ընկերության ներկայացուցիչը և «Ավրորա Բարեալիս»-ի հիմնադիր Արթուր Ազիզյանը բարձր գնահատեցին ուսուցման այս ձևաչափի արդյունավետությունը՝ շեշտելով, որ այն ապագա շրջանավարտներին ապահովում է գործնական ներգրավվածությամբ և շուկայի պրոֆեսիոնալների կողմից անմիջական արձագանք ստանալու հնարավորությամբ:

Մարքեթինգի ֆակուլտետի դեկան Նաիրա Հայրապետյանն իր երախտագիտությունը հայտնեց գործընկերներին նախագծի ողջ ընթացքում ուսանողների կողքին լինելու և ցուցաբերած մշտական աջակցության համար: Նա նաև ընդգծեց, որ իր թիմը սերտորեն համագործակցում է գործընկեր ընկերությունների հետ՝ երաշխավորելու, որ ուսանողներին վստահված առաջադրանքները լիովին համապատասխանում են դասընթացի կրթական նպատակներին և ծրագրային պահանջներին: Դեկանը հիշեցրեց, որ ՀՖՀՀ-ում արդեն մի քանի տարի ներդրված այս ձևաչափը պրոֆեսիոնալ իրականությանը միտված կրթական հզոր գործիք է:

 

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more