Նորություններ և միջոցառումներ Նորություններ 2022թ․ « Դիանա Աբգար » շրջանավարտներ
  • 2022-12-16

2022թ․ « Դիանա Աբգար » շրջանավարտներ

Օպերայի և բալետի ազգային ակադեմիական թատրոնում դեկտեմբերի 16-ին տեղի ունեցավ ՀՖՀՀ 2021-2022 ուստարվա շրջանավարտների դիպլոմների հանձնման արարողությունը։ Անանուն քվեարկության արդյունքում նրանք այսուհետ կկրեն հայ առաջին կին դիվանագետ Դիանա Աբգարի անունը:


Դիպլոմների հանձնման արարողությունը մեկնարկեց մեկ րոպե լռությամբ՝ ի հիշատակ 2020թ. պատերազմի ու 2022թ․ սեպտեմբերին տեղի ունեցած ագրեսիաների հետեւանքով զոհված 13 ուսանողների: 

Միջոցառումն իրենց ներկայությամբ պատվեցին Հայաստանում Ֆրանսիայի արտակարգ և լիազոր դեսպան Ն․ Գ․ տիկին Անն Լույոն, ՀՀ կրթության, գիտության, մշակույթի և սպորտի նախարարի տեղակալ պարոն Կարեն Թռչունյանը, ՀՀ արտաքին գործերի նախարարի տեղակալ պարոն Պարույր Հովհաննիսյանը, ՀՀ բարձր տեխնոլոգիական արդյունաբերության նախարարի տեղակալ պարոն Դավիթ Սահակյանը, համալսարանների ռեկտորներ, միջազգային կազմակերպությունների և գործընկեր ձեռնարկությունների ներկայացուցիչներ։ 


Հայաստանում Ֆրանսիայի արտակարգ և լիազոր դեսպան տիկին Անն Լույոն ողջունեց շրջանավարտներին՝ նշելով, որ նրանց հաջողությունը խոսում է Հայաստանի և Ֆրանսիայի արդյունավետ համագործակցության մասին․ « մենք առանձնահատուկ կերպով հպարտ ենք այս համագործակցության համար, որի կենտրոնում լավագույն երիտասարդներն են՝ ցանկացած ժողովրդի մեծագույն հարստությունը։ Երիտասարդներ, որոնք ներդրումներ են կատարում երկրում և նպաստում նրա բարգավաճմանը: Հենց այս է Հայաստանում ֆրանսիական համալսարանի առաքելությունը։ ՀՖՀՀ–ն մեր երկու ժողովուրդների բարեկամության խորհրդանիշն է և Հայաստանի ապագան կերտող նախագծերից մեկը »։


ԿԳՄՍ նախարարի տեղակալ պարոն Կարեն Թռչունյանը շնորհավորեց շրջանավարտներին՝ նշելով, որ որ Հայաստանում ֆրանսիական համալսարանը ոչ միայն որակյալ կրթական հաստատություն է, այլև՝ կարեւոր կամուրջ հայ-ֆրանսիական բարեկամության մեջ։ « ՀՖՀՀ-ն ձեզ զինել է մրցունակ գիտելիքներով, արժեքներով ու հմտություններով, որոնք, անշուշտ, կնպաստեն Հայաստանի հետագա զարգացմանը », ասաց Կարեն Թռչունյանը։ Նա նաև շնորհակալություն հայտնեց Ֆրանսիայի կառավարությանն այս համալսարանի ստեղծման ու զարգացման գործում ցուցաբերած շահագրգռության ու հետեւողական աջակցության համար:

Արտաքին գործերի նախարարի տեղակալ պարոն Պարույր Հովհաննիսյանն իր ողջույնի խոսքում անդրադարձավ Հայաստանի և Ֆրանսիայի դարավոր բարեկամական կապերին և մատնանշեց բարձրագույն կրթության դերը համագործակցության մեջ։


ՀՖՀՀ ռեկտոր Սալվա Նակուզին  շնորհավորեց շրջանավարտներին՝ ասելով, որ ՀՖՀՀ-ն միշտ կմնա իրենց ընտանիքը․ « դուք շատ մարտահրավերներ եք հաղթահարել, սովորել եք մեկ, ոմանք՝ նույնիսկ երկու օտար լեզու, հարմարվել եք ակադեմիական և ինտելեկտուալ այլ մշակույթի: Մենք համոզված ենք, որ ձեր մասնագիտական և անձնական կյանքի ընթացքում կօգտագործեք այն ամենը, ինչ սովորել եք մեզ մոտ »։ Որպես վերջին խորհուրդ՝ նա հորդորեց առօրյա հոգսերի մեջ երբեք չդադարել կրթվել,  դիմադրել գիտելիքով և այն ծառայեցնել ի նպաստ հայրենիքի։


Միջոցառման ավարտին ՀՖՀՀ-ի 5 ֆակուլտետների դեկանները շրջանավարտներին շնորհեցին դիպլոմները և բարի երթ մաղթեցին։
Միջոցառումն իրականացվեց ՀՖՀՀ գործընկերներ Ինեկոբանկի և Ֆասթեքսի հովանավորությամբ։

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more