Ծրագրի նպատակները

Տալ հիմնարար և ամուր գիտելիքներ հայկական հանրային, մասնավոր իրավունքի, միջազգային իրավունքի, իսկ երրորդ կուրսից սկսած՝ ֆրանսիական իրավունքի վերաբերյալ,

Նպաստել իրավաբանական հետազոտություններ գրելու մեթոդաբանության և բանավոր պաշտպանության ասիմիլացիային՝ ուսուցման պրակտիկ ձևի շնորհիվ,

Հնարավորություն տալ ձեռք բերելու մասնագիտության կիրառման առումով լրացուցիչ հմտություններ, մասնավորապես՝ անգլերեն և համակարգչային գործիքների կիրառում։

Աշխատանքային հեռանկարներ պետական և մասնավոր ոլորտներում

-Իրավաբանական և դատաիրավական մասնագիտություններ՝ փաստաբան, նոտար, դատավոր (համապատասխան մրցույթներ անցնելուց հետո),

-Իրավախորհրդատվություն․ իրավաբան կազմակերպությունում, բանկում, ապահովագրական ընկերությունում, ՀԿ-ում,

-Վարչական կառույցներ, միջազգային կազմակերպություններ, դատարան

-Ազգային անվտանգության և պաշտպանության ծառայություններ

-Իրավաբանական հետազոտություններ, դասավանդում

Դիպլոմներ

Այս կրթական ծրագիրը կազմակերպվում է Ժան Մուլեն Լիոն 3 համալսարանի հետ համագործակցությամբ։ Բակալավրիատն ավարտելիս ուսանողը ստանում է 2 պետական դիպլոմ՝ Ժան Մուլեն Լիոն 3 համալսարանի ֆրանսիական դիպլոմ և Հայաստանում ֆրանսիական համալսարանի հայկական դիպլոմ։

Իրավագիտության բակալավր - ուսպլաններ

Կրթության կազմակերպում

Իրավագիտության բակալավրիատը առկա ուսուցմամբ ծրագիր է՝ 8 կիսամյակով, որոնց ընթացքում ուսանողը վաստակում է 240 ECTS կրեդիտ։

Բակալավրիատի վերջին տարում ուսանողը պետք է իրականացնի 7-շաբաթյա պրակտիկա Հայաստանում կամ արտերկրում գտնվող կազմակերպությունում։ Պրակտիկայի ավարտին ուսանողը պետք է ներկայացնի պրակտիկայի հաշվետվություն, որի համար կգնահատվի։

Դասավանդման լեզուներ․

1-ին և 2-րդ կուրսեր՝ հայերեն,

3-րդ և 4-րդ կուրսեր՝ հայերեն և ֆրանսերեն: