Նորություններ և միջոցառումներ Նորություններ Ֆրանսիայի Ազգային ժողովի նախագահի այցը ՀՖՀՀ
  • 2023-01-16

Ֆրանսիայի Ազգային ժողովի նախագահի այցը ՀՖՀՀ

Հայաստանում ֆրանսիական համալսարանը հունվարի 13-ին հյուրընկալեց Ֆրանսիայի Ազգային ժողովի նախագահ տիկին Յաել Բրոն-Պիվեյին՝ ՀՀ-ում Ֆրանսիայի արտակարգ և լիազոր դեսպան տիկին Անն Լույոյի, Ֆրանսիայում ՀՀ արտակարգ և լիազոր դեսպան տիկին Հասմիկ Տոլմաջյանի և ֆրանսիացի պատգամավորների ուղեկցությամբ։

Այցի նպատակը ՀՖՀՀ-ի ուսանողների և շրջանավարտների հետ հանդիպումն էր։

Ֆրանսիայի ԱԺ պատվիրակությունը հարգանքի տուրք մատուցեց ՀՖՀՀ-ի՝ 2020թ․-ին և 2022թ․-ին մարտերում զոհված 13 երիտասարդ ուսանողների հիշատակին։

Ուսանողների և շրջանավարտների հետ հանդիպումը մեկնարկեց ՀՖՀՀ ռեկտոր տիկին Սալվա Նակուզիի ողջույնի խոսքով․ ռեկտորը շնորհակալություն հայտնեց ԱԺ նախագահին և պատվիրակությանը՝ Հայաստան և Հայաստանում ֆրանսիական համալսարան կատարած կարևոր այցի համար: Ռեկտորը ներկայացրեց ՀՖՀՀ-ն և համալսարանի ապագա ծրագրերը՝ մատնանշելով վերջինիս դերը ֆրանս-հայկական համագործակցության մեջ։

Այնուհետև ելույթ ունեցան ՀՖՀՀ 2018թ․-ի շրջանավարտ Ներսես Զեյնալյանը՝ ներկայումս ՀՀ պետական եկամուտների կոմիտեի նախագահի խորհրդական, և  ՀՖՀՀ 2010թ․-ի շրջանավարտ Մարիամ Թորոսյանը՝ սոցիալական ձեռներեց, « Safe YOU »՝ կանանց բռնության դեմ ուղղված ձեռնարկության հիմնադիր և գործադիր տնօրեն։ Ներսեսն ընդգծեց  ֆրանս-հայկական համագործակցության կարևորությունը պետական ոլորտում, որտեղ բազմաթիվ ուֆառցիներ են ներգրավված։ Մարիամը խոսեց հայ հասարակության մեջ կնոջ դերի մարտահրավերների մասին։ Հաջորդեցին հետաքրքիր մտքերի փոխանակումներ ուսանողների և ԱԺ նախագահի, փոխնախագահ Վալերի Ռաբոյի, Բուշ-դյու-Ռոն շրջանի պատգամավոր Անն-Լորանս Պետելի միջև։

ՀՖՀՀ-ի արցախցի ուսանողներն իրենց խորը մտահոգությունը հայտնեցին երկրում տիրող իրավիճակի, մասնավորապես՝ Ադրբեջանի կողմից Լաչինի միջանցքի շրջափակման վերաբերյալ։

Հանդիպմանը ներկա էին նաև Անատոլ Ֆրանսի անվան ֆրանսիական կրթահամալիրի աշակերտները, ովքեր նույնպես մտքեր արտահայտելու և հարցեր ուղղելու  հնարավորություն ունեցան։

Հանդիպման ավարտին տիկին Յաել Բրոն-Պիվեն գրառում կատարեց համալսարանի հուշագրքում՝ մասնավորապես նշելով․ « Անչափ շնորհակալ եմ  հետաքրքիր և խորիմաստ քննարկումների, հայ երիտասարդությանը կրթելուն ուղղված ձեր ջանքերի և հաստատակամության համար, այն երիտասարդության, որը խաղաղ ապագա կկառուցի բոլորի համար »։

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more