Նորություններ և միջոցառումներ Նորություններ «Ոսկե սերմեր» կրթամրցանակի շնորհում. հարգել հիշատակը և խրախուսել ուսանողներին
  • 2023-06-05

«Ոսկե սերմեր» կրթամրցանակի շնորհում. հարգել հիշատակը և խրախուսել ուսանողներին

Հունիսի 5-ին տեղի ունեցավ Շանթ Նավոյանի անվան «Ոսկե սերմեր» կրթամրցանակների հանձնման հուզիչ արարողությունը, որը կազմակերպել էր «Շանթ-Դելտա Նավոյան» բարեգործական հիմնադրամը Հայաստանում Ֆրանսիական համալսարանի հետ համագործակցաբար։

Թեկնածու ուսանողներից որպես մրցանակակիր ընտրվել էին 4-ը՝ Ռազմիկ Ղաբանյանը, Արամ Հակոբյանը, Սիրեկան Աբրահամյանը և Հրայր Մելքոնյանը։ Ֆինանսական այս աջակցությունը միջոց էր պարգևատրելու նրանց անցած ճանապարհի, մոտիվացիայի և ներգրավվածության համար և ոգևորելու ուսումնական և մասնագիտական ապագայի հարցում։

Միջոցառման ընթացքում Շանթի ծնողները՝ Գուրգեն և Էլեն Նավոյանները, նշեցին իրենց համար այս մրցանակի հիմքում դրված գաղափարների կարևորությունը՝ մեկ անգամ ևս հիշեցնելով ծրագրի նշանաբանը․ « Մեզ թաղեցին, բայց չգիտեին, որ մենք սերմեր ենք »։ Նավոյանները մասնակիցներին նվիրեցին «Խոսողը չգիտի, իմացողը չի խոսում» գիրքը, որում ժողովված են Շանթի մտքերն ու զգացմունքները։

ՀՖՀՀ-ի ռեկտոր Սալվա Նակուզին իր խոսքում շեշտեց, որ այս կրթամրցանակը չի սահմանափակվում միայն ֆինանսական աջակցությամբ, այն առաջին հերթին պատասխանատվություն է, որ դնում ենք մրցանակակիրների ուսերին. « Այսուհետ դուք պարտավոր եք միայն հաջողություններ գրանցել ձեր ուսումնառության մեջ և կարիերայում՝ հավատարիմ մնալով Շանթ Նավոյանի արժեքներին ու բարձր պահելով նրա հիշատակը »։

Հիշեցնենք, որ այս կրթամրցանակի ծրագիրը նվիրված է Արցախյան 44-օրյա պատերազմի հերոս, ՀՖՀՀ-ի ուսանող Շանթ Նավոյանի և պատերազմում զոհված մյուս բոլոր ուսանողների լուսավոր հիշատակին։  

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more