• 2025-03-12

Կանայք և առաջնորդությունը. խիզախել , նորարարել և հաջողել

2025թ.-ի մարտի 7-ին ՀՖՀՀ-ում տեղի ունեցավ «Կանայք և առաջնորդությունը. նորարարություն հանուն ապագայի» պանելային քննարկման 4-րդ թողարկումը՝ համախմբելով կին բանախոսների կանանց միջազգային օրվա շրջանակում:

ՀՖՀՀ-ի կին շրջանավարտները, ովքեր այժմ բարձր օղակների պաշտոններում են այնպիսի նորարարական ոլորտներում, ինչպիսիք են մարքեթինգը, բլոկչեյնը, կրիպտոարժույթները, տեղեկատվական  տեխնոլոգիաները և սոցիալական նախաձեռնությունները, ներկայացրեցին իրենց փորձը, առկա մարտահրավերները և ապագայի տեսլականը:

Նրանց ելույթները շեշտեցին այս ոլորտներում կանանց դերի մեծացումը և առաջնորդության մեջ նորարարության հիմնարար դերը:

Քննարկումը, որը վարեց ՀՖՀՀ-ի ռեկտոր տիկին Սալվա Նակուզին, թույլ տվեց բանախոսներին ներկայացնել իրենց կարիերան, հաղթահարած խոչընդոտները և իրենց խորհուրդները հավակնոտ երիտասարդ կանանց:

Հայաստանում Ֆրանսիայի արտակարգ և լիազոր դեսպանի՝ համագործակցության և մշակութային հարցերի գծով խորհրդական Քսավիե Ռիշարը կարևորեց ավելի ու ավելի շատ կանանց ներգրավումը բարձր պաշտոններում և խրախուսեց նրանց ավելի համարձակ լինել և դիմել պատասխանատու պաշտոնների համար:

Քննարկման ընթացքում անդրադարձ կատարվեց նաև ​​կարծրատիպերին՝ հատկապես ավանդաբար արական սեռի ներկայացուցիչների հետ ասոցացվող այնպիսի ոլորտներին, ինչպիսիք են ավիացիան, ֆինանսները և տեղեկատվական տեխնոլոգիաները:

Այնուամենայնիվ, ինչպես նշեցին բանախոսները, մասնագիտական ​​գերազանցությունն ու վճռականությունը կարևոր դիրքում հայտնվելու և գնահատվելու լավագույն գրավականներն են. կանայք պետք է հավատան իրենց ներուժին և չվարանեն՝ դիմելու բարձր պաշտոններ զբաղեցնելու համար:

Շնորհակալություն ենք հայտնում մեր բանախոսներին իրենց փորձով կիսվելու և մասնակցության համար, ինչպես նաև բոլոր մասնակիցներին ցուցաբերած հետաքրքրվածության և բարձրացրած կարևոր հարցերի համար:

Կհանդիպենք հաջորդ թողարկման ժամանակ, որը հուսանք՝ նույնքան ոգեշնչող կլինի:

Վերադառնալ
  • L’équipe Lumos de l’UFAR au concours de plaidoirie de la Croix Rouge

    read more
  • L’équipe du volleyball de l’UFAR à la 21ème édition des jeux sportifs des étudiants

    read more
  • Les étudiants bénévoles accompagnent les médecins français

    read more
  • L’équipe Lumos de l’UFAR au concours de plaidoirie de la Croix Rouge

    read more
  • L’équipe du volleyball de l’UFAR à la 21ème édition des jeux sportifs des étudiants

    read more