Նորություններ և միջոցառումներ Նորություններ Կանաչ ՏՏ-ի վերաբերյալ խորհումներ Հայաստանյան բարձրագույն կրթության ոլորտում․ ՀՖՀՀ-ն AIM կոնգրեսում
  • 2025-06-10

Կանաչ ՏՏ-ի վերաբերյալ խորհումներ Հայաստանյան բարձրագույն կրթության ոլորտում․ ՀՖՀՀ-ն AIM կոնգրեսում

ՀՖՀՀ-ի կառավարման գիտությունների դասախոս-հետազոտող Էլեն Գրիգորյանը  մասնակցել է Տեղեկատվություն և կառավարում ասոցիացիայի (AIM) միջազգային 30-րդ կոնգրեսին, որը տեղի է ունեցել 2025 թվականի մայիսի 21-23-ը Լիոնում։ «Տեղեկատվական համակարգերի զարգացումն ու հեռանկարները անցումային փուլում գտնվող կազմակերպություններում և հասարակություններում» թեմայով կազմակերպված այս միջոցառումն համախմբել էր տեղեկատվական համակարգերի ոլորտի հետազոտողների, փորձագետների և մասնագետների։

Էլեն Գրիգորյանի «Memex-ից դեպի կանաչ ՏՏ. TAM մոդելի հիման վրա ուսանողների վերաբերմունքի ուսումնասիրություն հայաստանյան համատեքստում» խորագրով հոդվածը գերազանց գնահատականի է արժանացել․ 8,05/10։

Հոդվածը համահեղինակել են Ժան Մուլեն Լիոն 3 համալսարանի iaelyon բիզնես դպրոցին կից գործող Մագելան լաբորատորիայի տնօրեն, պրոֆեսոր Ժան-Ֆաբրիս Լըբրատին և նույն համալսարանի դոցենտ Կատիա Լոբրը։ Հոդվածը բացահայտում է հայաստանյան ուսանողների վերաբերմունքը՝ համալսարանական միջավայրում կանաչ ՏՏ-ի կիրառման հանդեպ՝ օգտագործելով տեխնոլոգիաների ընդունման մոդելը (TAM)։

Ուսումնասիրությունն իրականացվել է ՀՖՀՀ հինգ ֆակուլտետների առաջին կուրսի 207 ուսանողների մասնակցությամբ։ Արդյունքները ցույց են տալիս, որ թեև ուսանողները դեռևս սահմանափակ պատկերացում ունեն կանաչ ՏՏ-ի մասին, նրանց մոտ նկատվում է հետաքրքրություն թեմայի նկատմամբ։ Նրանց  վերաբերմունքը դրական էր, նման տեխնոլոգիաների կիրառման հարցում, միևնույն ժամանակ նկատվում էր անորոշության զգացում դրանց գործնական օգուտների հարցում։ Սա ընդգծում է իրազեկման միջոցառումների անհրաժեշտությունը համալսարանում։

Այս գիտական ներդրումը համահունչ է տեղեկատվական տեխնոլոգիաների պատասխանատու և կայուն կիրառման վերաբերյալ ընթացիկ քննարկումներին, հատկապես՝ Հայաստանի դեպքում, որի առջև ծառացած են ինչպես աշխարհաքաղաքական, այնպես էլ էկոլոգիական մարտահրավերներ։

Էլեն Գրիգորյանի մասնակցությունը ֆրանկոֆոն ակադեմիական այս կարևորագույն միջոցառմանը վկայում է ՀՖՀՀ-ի ներգրավվածությունը կայուն տեղեկատվական համակարգերի ոլորտում և ամրապնդում է համալսարանի գիտական ճանաչելիությունը միջազգային ասպարեզում։

🔗 Լրացուցիչ տեղեկատվություն AIM 2025 կոնգրեսի մասին՝ https://aim2025.sciencesconf.org

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more