Նորություններ և միջոցառումներ Նորություններ «ԱԲ-ն հօգուտ հանրության» աշխատարան և hաքաթոն ՀՖՀՀ-ում
  • 2025-06-16

«ԱԲ-ն հօգուտ հանրության» աշխատարան և hաքաթոն ՀՖՀՀ-ում

Հայաստանում ֆրանսիական համալսարանը (ՀՖՀՀ) իր հիմնադրման 25-ամյակի շրջանակում 2025թ.-ի մայիսի 30-ին և 31-ին կազմակերպել էր բացառիկ միջոցառում՝ նվիրված արհեստական բանականությանը, նորարարությանը և դրանց սոցիալական ազդեցությանը։ Երկօրյա ծրագիրը ներառում էր աշխատարան և հաքաթոն՝ «ԱԲ-ն հօգուտ հանրության - Խելացի օգնականներ առօրյա խնդիրների լուծման համար» խորագրով։

Միջոցառումը կայացավ Թուլուզի համալսարանի, Ինֆորմատիկայի և ավտոմատացման պրոբլեմների ինստիտուտի (ԻԱՊԻ), Տեղեկատվական հաղորդակցության տեխնոլոգիաների գործատուների միության (ՏՀՏԳՄ) և Սինոփսիս Արմենիայի հետ համագործակցության շնորհիվ։ Այն համախմբել էր ուսանողների, գիտնականների և ոլորտի մասնագետների ընդհանուր գաղափարի շուրջ. դարձնել արհեստական բանականությունն առավել հանրօգուտ։  

Օր 1 - Աշխատարան՝ հասկանալ և փորձարկել ԱԲ-ն

Առաջին օրը միջոցառումը բաց էր բոլորի համար։ Մասնակիցներն ունեցան հնարավորություն ծանոթանալու մեքենայական ուսուցման և բնական լեզվի մշակման հիմունքներին՝ մասնակցելով ինտերակտիվ ներկայացումներին և վերլուծելով կոնկրետ կիրառական օրինակներ։ Աշխատաժողովը նաև նախապատրաստական հարթակ էր՝ ձևավորելու թիմեր և քննարկելու հաքաթոնի մարտահրավերները։

«Նպատակը ուսանողներին օգնելն է՝ դիտարկելու արհեստական բանականությունը ավելի լայն համատեքստում, ոչ միայն տեխնիկական, այլև՝ էթիկական և հասարակական», - նշեց ՀՖՀՀ-ի Ինֆորմատիկայի և կիրառական մաթեմատիկայի ֆակուլտետի դեկան Քրիստինա Սարգսյանը։

Օր 2 - Հաքաթոն՝ ստեղծել կոնկրետ լուծումներ

Հաքաթոնին մասնակցեց ինը թիմ՝ կազմված 3-ից 6 ուսանողներից։ Թիմերը մշակեցին խելացի օգնականներ՝ կենտրոնանալով չորս հիմնական ոլորտների վրա՝ շրջակա միջավայր, կրթություն, բարեկեցություն և մատչելիություն։ Օգտագործելով Python ծրագրավորման լեզուն, Hugging Face հարթակը և Google Colab գործիքակազմը՝ նրանք ներկայացրին նորարարական ու կիրառելի նախատիպեր։

Արդյունքներ և մրցանակներ

Հանձնաժողովը պարգևատրեց լավագույն երեք թիմերին՝ արժևորելով նախագծերի ստեղծագործական մոտեցումը, սոցիալական նշանակությունն ու տեխնիկական ճշգրտությունը։ Հաղթող ճանաչվեց Oops, we did it with AI թիմը, որը մշակել էր մեքենայական ուսուցման մոդել՝ համադրելով անձնական արխիվներ և ԱԲ-ի կողմից գեներացված տեքստեր՝ հասնելով բարձր ճշգրտության։

«Ընդամենը մեկ գիշերվա ընթացքում սկսեցինք մշակել գործիք, որն ունակ է հայերեն տեքստերում հայտնաբերելու ԱԲ-ի կողմից գեներացված հատվածները»,- հայտնեց ՀՖՀՀ-ի Կիրառական մաթեմատիկայի ֆակուլտետի չորրորդ կուրսի ուսանողուհի, հաղթող թիմի անդամ Ինեսա Մովսեսյանը։

«Հպարտ ենք այս երիտասարդներով, որոնք նորագույն տեխնոլոգիաներն ուղղում են ներկայիս հիմնախնդիրների լուծմանը», - շեշտեց ՀՖՀՀ-ի ռեկտոր Սալվա Նակուզին։

«Կրթական համակարգն անընդհատ զարգանում է, և մեր ուսանողները պետք է պատրաստ լինեն այս փոփոխություններին»,- հավելեց նա։

Միջոցառման բոլոր մասնակիցներին տրվեցին հավաստագրեր իրենց ներգրավվածության և պատասխանատու նորարարության գործընթացի հանդեպ իրենց հանձնառության համար։

 

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more