Նորություններ և միջոցառումներ Նորություններ Կոմիքսները՝ պատմության, մշակույթի և միջազգային հարաբերությունների խաչմերուկում
  • 2026-10-06

Կոմիքսները՝ պատմության, մշակույթի և միջազգային հարաբերությունների խաչմերուկում

Սեպտեմբերի 25-ին Հայաստանում ֆրանսիական համալսարանում (ՀՖՀՀ), Հայաստանում Բելգիայի դեսպանության հետ համագործակցությամբ, տեղի ունեցավ «Ֆրանս-բելգիական կոմիքսները և միջազգային հարաբերությունները» խորագրով դասախոսություն, որը վարեց Բելգիայի պատվավոր դեսպան Ն.Գ. Ռաուլ Դելկորդը։

Դասախոսության ընթացքում ֆրանս-բելգիական կոմիքսները ներկայացվեցին որպես գեղարվեստական ժանր, որի միջոցով հնարավոր է դիտարկել պատմական իրադարձություններ, հասարակական փոփոխություններ և միջազգային հարաբերությունների տարբեր դրսևորումներ։ Ռաուլ Դելկորդը ներկայացրեց, թե ինչպես են կոմիքսների կերպարներն ու պատմությունները կրում իրենց ժամանակաշրջանի քաղաքական ու մշակութային ազդեցությունները և արտացոլում տարբեր հասարակությունների մասին ձևավորված պատկերացումները։

Հանդիպման ընթացքում անդրադարձ կատարվեց նաև «իններորդ արվեստի» մշակութային նշանակությանը՝ որպես ճանաչողության, հաղորդակցության և միջմշակութային երկխոսության միջոց։ Դասախոսությունն ավարտվեց քննարկմամբ, որի ընթացքում մասնակիցները հնարավորություն ունեցան հարցեր ուղղելու բանախոսին և շարունակելու թեմայի շուրջ մտքերի փոխանակումը։

ՀՖՀՀ-ն շնորհակալություն է հայտնում պարոն Ռաուլ Դելկորդին բովանդակալից դասախոսության, ինչպես նաև Հայաստանում Բելգիայի դեսպանությանը՝ համագործակցության համար։

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more