Նորություններ և միջոցառումներ Նորություններ Դատախաղ Ստրասբուրգում․ ՀՖՀՀ-ն մասնակցեց «Ռենե Կասեն» մրցույթին
  • 2025-03-27

Դատախաղ Ստրասբուրգում․ ՀՖՀՀ-ն մասնակցեց «Ռենե Կասեն» մրցույթին

Մարդու իրավունքների եվրոպական իրավունքին նվիրված ֆրանսախոս «Ռենե Կասեն» մրցույթին այս տարի ևս Հայաստանից թիմ մասնակցեց: Այս տարի Հայաստանը ներկայացրին ՀՖՀՀ-ի իրավագիտության ֆակուլտետի 4-րդ կուրսի երեք ուսանողներ` այսպիսով նշանավորելով մեր համալսարանի մշտական ներկայությունը իրավունքի հետ կապած միջազգային իրադարձություններում:

Մրցույթի այս՝ 40-րդ թողարկումը վերաբերում էր փաստաբանների դերին ժամանակակից հասարակությունում։ Մասնակիցները անդրադարձան բարդ և արդիական խնդիրների.

- Փաստաբանները կարո՞ղ են պատժվել իրենց պաշտպանության համար։

- Կարո՞ղ են փոխարինվել արհեստական ​​բանականությամբ:

- Կարո՞ղ են կրոնական խորհրդանիշներ կրել դատական դահլիճում:

Այս խնդիրներն ուսումնասիրվեցին Մարդու իրավունքների եվրոպական կոնվենցիայով սահմանված իրավունքների և պարտականությունների պրիզմայով։

Գրիգոր Վարդանյանը և Մելինե Մկրտչյանը հանդես եկան որպես հռետորներ, իսկ Հասմիկ Արզունյանը՝  նրանց իրավախորհրդատու։ Մրցույթի յուրաքանչյուր փուլին պատրաստվելու հարցում ուսանողներին աջակցեցին իրենց երկու մենթորները՝ ՀՖՀՀ-ի շրջանավարտ, փաստաբան, դասախոս Լիլիթ Հայրապետյանը և փաստաբան Սոֆի Բարդե-Մկրտչյանը։ Նրանց աջակցության շնորհիվ մեր ապագա իրավաբաններն ու փաստաբաններն էլ ավելի կատարելագործեցին իրենց հռետորական հմտությունները։

Կիսաեզրափակիչ փուլում մեր թիմը մրցեց Պուատիեի և Մաստրիխտի համալսարանների թիմերի հետ․ առկա էր ակնհայտ բարձր ակադեմիական մրցակցություն։ Մրցույթի ավարտին թիմը զբաղեցրեց 22-րդ տեղը 37-ից՝ առաջ անցնելով մի քանի ճանաչված ֆրանսախոս հաստատությունների թիմերից:

Այս արդյունքն առավել ուշագրավ է դառնում, եթե հաշվի ենք առնում այն փաստը, որ թիմի անդամներից երկուսը ֆրանսերեն են սովորել համալսարանում ուսանելու ընթացքում, ինչն ընդգծում է նրանց վճռականությունն ու պատրաստակամությունը:

Ողջունում ենք մեր մասնակիցների տքնաջան աշխատանքը և ցուցաբերած հետաքրքրվածությունը։ Մրցույթին մասնակցելու պատրաստակամությունը վկայում է հիմնարար իրավունքների պաշտպանությանն առնչվող մարտահրավերների հանդեպ հայ ուսանողների մեծացող հետաքրքրության և խոշոր միջազգային ակադեմիական մրցույթներում ներգրավվելու նրանց ցանկության մասին:

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more