• Հրանտ Հարությունյան Դեկան

    Ֆինանսներ և վերահսկողություն մագիստրոսական ծրագիրը նպատակ ունի պատրաստելու բանիմաց մասնագետներ և քաղաքացիներ, քաղաքացիական հասարակության շարժիչ ուժեր։ Մեր հորիզոնը ֆինանսների ավանդական պրակտիկայից անդին է։ Մեր շրջանավարտները ստանձնում են շատ կարևոր պաշտոններ ոչ միայն հայկական, այլև միջազգային ընկերություններում, հանրային և մասնավոր ոլորտների ամենաբարձր օղակներում։

    Ժան-Բատիստ Կարտիե Համադեկան

    Որոշելով ֆինանսներ ուսումնասիրել ՀՖՀՀ-ի մագիստրատուրայում՝ հնարավորություն կստանաք ուսումնասիրելու ինչպես ձեռնարկության ֆինանսների ճյուղերը, այնպես էլ ֆինանսների տեսություն։ Իսկ եթե մտադրություն ունեք ձեր սեփական ձեռնարկությունը հիմնելու, ՀՖՀՀ-ի ֆինանսների մագիստրատուրան ձեզ գործելու համար անհրաժեշտ գիտելիքներն ու հմտությունները կտա։ Մասնագետ դասախոսները ողջ ուսումնառության ընթացքում կաջակցեն ձեր նախագծերի իրականացմանը՝ ձեզ փոխանցելով իրենց սեփական փորձը։

  • Ծրագրի նպատակները

    -Տալ կառավարման և տնտեսագիտության ոլորտում խորացված տեսական գիտելիքներ,

    -Պատրաստել տեսական և պրակտիկ ոլորտների մասնագետներ, որոնք մասնագիտացած կլինեն որպես տնտեսագետներ, կառավարիչներ, ֆինանսական պատասխանատուներ,

    -Ուսանողներին փոխանցել մասնագիտական հմտություններ՝ հայաստանյան և ֆրանսիական բանկերում, ապահովագրական ընկերություններում և այլ ֆինանսական կառույցներում աշխատելու համար,

    -Ուղեկցել ակադեմիական և գործնական հետազոտությունների վարումը։

  • Աշխատանքային հեռանկարներ պետական և մասնավոր ոլորտներում

    -Ֆինանսական մենեջեր   

    -Հաշվապահ 

    -Աուդիտոր

    -Ֆինանսական վերլուծաբան

    -Վիճակագիր-տնտեսագետ վերլուծաբան

    Դիպլոմներ

    Այս կրթական ծրագիրը կազմակերպվում է Ժան Մուլեն Լիոն 3 համալսարանի հետ համագործակցությամբ։ Մագիստրատուրան ավարտելիս ուսանողը ստանում է 2 պետական դիպլոմ՝ Ժան Մուլեն Լիոն 3 համալսարանի ֆրանսիական դիպլոմ և Հայաստանում ֆրանսիական համալսարանի հայկական դիպլոմ։

  • Կրթության կազմակերպում

    Ֆինանսներ և վերահսկողություն մագիստրատուրան առկա ուսուցմամբ ծրագիր է՝ 4 կիսամյակով, որոնց ընթացքում ուսանողը վաստակում է 120 ECTS կրեդիտ։ 

    Դասավանդման լեզուներ՝ հայերեն և ֆրանսերեն:

    Մագիստրատուրայի 1-ին կուրսում 3-ամսյա, իսկ 2-րդ կուրսում՝ 6-ամսյա պրակտիկա պետք է իրականացվի Հայաստանում կամ արտերկրում գտնվող կազմակերպությունում։ Պրակտիկայի ավարտին ուսանողը պետք է ներկայացնի գնահատման ենթական ամփոփ աշխատանք (1-ին կուրսում) և ավարտական թեզ (2-րդ կուրսում)։

    Ընդունելություն

    Ծանոթանալ ընդունելության պայմաններին

    • 2024-2025 Ուսումնական պլաններ
    • Այցելել կայք

    • Լինել Ժան Մուլեն Լիոն 3
      համալսարանի ուսանող՝
      սովորելով ՀՖՀՀ-ում

Ունե՞ք հարցեր
Վարչական պատասխանատու՝ ap_master@ufar.am +37498279673

Նորություններ