• Քրիստինա Սարգսյան Դեկան

    Արհեստական բանականությունն ունի բազմաթիվ առավելություններ և նպատակներ՝ ուղղված մարդկանց աջակցելուն, մեր աշխատանքը և գործունեությունը հեշտացնելուն։ Մեր ֆակուլտետի գլխավոր առաքելությունն է ուղղորդել և ուղեկցել մտքի ու երևակայության անսահմանափակ թռիչք ունեցող ուսանողներին, օգնել նրանց միջազգային մակարդակով դառնալ մրցունակ ներկայիս ամենապահանջված մասնագիտական ոլորտում և կառուցել սեփական մասնագիտական ուղին իրենց հայրենիքում՝ Հայաստանում։

    Ալեն Կրուզիլ Համադեկան

    Արհեստական բանականությունը հեղափոխում է համակարգչային գիտության բազմաթիվ բնագավառներ մեքենայացված ուսուցման, գիտելիքների ներկայացման և դատողությունների միջոցով։ Արհեստական բանականության հիմունքներին տիրապետելը էական է կարողանալու համար մասնակցել դրա բազմաթիվ կիրառության ոլորտների ընթացիկ զարգացումներին, բայց նաև գալիք փոփոխությունների դերակատարները լինելու համար։

  • Ծրագրի նպատակները

    - Հնարավորություն տալ ուսանողներին ձեռք բերելու ինֆորմատիկայի՝ արհեստական բանականությանն առնչվող տարբեր ոլորտների իմացության բարձր մակարդակ (թվային պատկերների մշակում, համակարգչային գրաֆիկա, բնական լեզվի մշակում, տեղեկատվության որոնում, ռոբոտաշինություն, էլեկտրոնային առևտուր, և այլն),


    - Զարգացնել արհեստական բանականության կիրառության ոլորտներում ծագող խնդիրների վերաբերյալ փորձառություն՝ համապատասխան լուծումներ տալու նպատակով։

    Ընդունելություն

    Ծանոթանալ ընդունելության պայմաններին

    Ընդունելության հայտ ՀՖՀՀ շրջանավարտների համար

    Ընդունելության հայտ արտաքին դիմորդների համար

    ՀՖՀՀ արհեստական բանականության մագիստրոսական ծրագիրը ոլորտում միակ ծրագիրն է, որ հնարավորություն է տալիս սովորելու՝ օգտվելով տարկետման իրավունքից (կառավարության որոշում)։

  • Աշխատանքային հեռանկարներ հետևյալ ոլորտներում

    - Ավիացիա, տիեզերք, առողջապահություն,
    - Գյուղատնտեսական մթերքներ,
    - Ինֆորմատիկա,
    - Ավտոմատ համակարգեր,
    - Գիտական հետազոտություններ,
    - Ապագայի քաղաքներ,
    - 4․0 արդյունաբերություն,
    - Ռոբոտաշինություն,
    - Պատկերագրություն:

    Դիպլոմներ

    Այս կրթական ծրագիրը կազմակերպվում է Թուլուզ 3 Պոլ Սաբատիե համալսարանի հետ համագործակցությամբ։ Մագիստրատուրան ավարտելիս ուսանողը ստանում է 2 պետական դիպլոմ՝ Թուլուզ 3 Պոլ Սաբատիե համալսարանի ֆրանսիական դիպլոմ « Արհեստական բանականություն․ հիմունքներ և կիրառություն » մասնագիտացմամբ և Հայաստանում ֆրանսիական համալսարանի հայկական դիպլոմ « Արհեստական բանականության համակարգեր » մասնագիտացմամբ։

     

  • Կրթության կազմակերպում

    Ինֆորմատիկայի մագիստրատուրան առկա ուսուցմամբ ծրագիր է՝ 4 կիսամյակով, որոնց ընթացքում ուսանողը վաստակում է 120 ECTS կրեդիտ։ 

    Դասավանդման լեզու՝ անգլերեն։

    Մագիստրատուրայի վերջին տարում ուսանողը պետք է իրականացնի նվազագույնը 5-ամսյա պրակտիկա լաբորատորիայում կամ կազմակերպությունում։ Մագիստրատուրայի առաջին կուրսում աշխատանքային իրավիճակի ստեղծման մի շարք հնարավորություններ կան․

    -2-ամսյա պրակտիկա,

    -Վերահսկվող նախագծի իրականացում համալսարանում,

    -Առաջին կուրսի 2-րդ կիսամյակում /S8/ փոքր խմբերով աշխատանք՝ համալսարանի կամ գործընկեր ձեռնարկությունների կողմից առաջակվող թեմաներով,

    -Փոքր խմբերով իրականացվող հետազոտական աշխատանքներ S8-ում,

    -«Գլուխգործոց» անվանումով խմբային նախագիծ մագիստրատուրայի երկրորդ կուրսում /S9-S10/՝ արհեստական բանականության ոլորտում ձեռք բերած հմտությունների կիրառմամբ։

    • 2024-2025 Ուսումնական պլաններ
    • Այցելել կայք

    • Լինել Թուլուզ 3 Պոլ Սաբատիե
      համալսարանի ուսանող՝
      սովորելով ՀՖՀՀ-ում

Ունե՞ք հարցեր
Վարչական պատասխանատու՝ ap_master@ufar.am +37498279673

Նորություններ